BStudiodanza

DOLORES MAYÁN

BSTUDIODANZA

Compañia Galega de Danza

DANZA
EN
FEMININO

Emilia Pardo

BStudiodanza

BStudiodanza de Santiago de Compostela, unha compañía que baila contando historias, especialmente historias de mulleres, ou, mellordito, da muller. A coreógrafa María Dolores Mayán dirixe as tres bailarinas do elenco Emilia Pardo, Vanessa Otero, Celia Mayer, coa finalidade de poñer a danza ao servizo da expresión, da comunicación, cousa que fai en cada nova entrega pública, en forma de espectáculo, do seu traballo coreográfico continuo. Ademais do evidente resultado artístico sobre os escenarios,hai que recoñecerlle a este colectivo o valor de ser un dos fundadores da danza actual en Galicia.

AGADIC revista Paraiso

Celia Mayer

Dentro dun abano de rexistros corporais eclépticos encontran o mellor alfabeto para que o corpo das súas bailarinas poña os acentos e entonacións, ata dar cunha linguaxe corporal que está máis preto do persoal e que é a voz dos sentimentos, das emocións, de cada latexo que están a vivir as tres compoñentes do grupo no momento de interpretar.

Vanessa Otero

En 1998 BStudiodanza comezou asúa andaina como compañía artística de forma paralela á escola de danza Ballet Studio –que anos antes, alá por 1986, xa co- fundara a que hoxe é a súa directora e coreógrafa, Dolores Mayán–, fíxoo adoptando unha filosofía de traballo, case pretexto, que era poñer a danza ao servizo da expresión e facer dela un idioma.

DMayan

Coproducions-Centro-Coreografico-Galego

A compañía de Dolores Mayán atrévese a bailar contando a historia das mulleres, nun ton disidente ben distinto da versión oficial. Liberadas do academicismo, aínda traballadas pola técnica, as mulleres de BStudio outra vez dotan de vitalidade ás poses clásicas e constrúen no escenario un espazo para a muller. Un espazo para que todas digamos: “isto é de meu”.

Teresa Moure